Rugadh Eibhlín Nic Craith, Bean Uí Dhonnchadha i gCnocán an Phaoraigh sa Rinn ua gCuanach. Phós sí Páid Ó Donnchadha ó Ghleann na Brice agus tá cónaí inniu orthu i gCill an Fhuarthainn. Múinteoir scoile ba ea Eibhlín i Scoil San Nioclás sa Rinn ua gCuanach. Is minic í fós le feiscint ann, ag cur comhairle ar ógra na dúiche. Tá stór mór amhrán aici agus do roinn sí go fial le muintir na nDéise iad i gcaitheamh na mblianta a chaith sí mar mhúinteoir acu. Is saineolaí ar chúrsaí staire í Eibhlín agus tá an-eolas go deo aici ar phátrún na Rinne, Naomh Nioclás.
