Rugadh Tadhg Cundún sa bhliain 1910 agus bhí cónaí air sa Maoilinn, i mBarra na Stuac sa Sean Phobal. Ard scéalaí, amhránaí agus seanchaí ba ea é. Tá scéal dá chuid, Scéal na Muice i bhfíor thosach an chéad eagráin d’irisleabhar Ghaeltacht na nDéise, An Linn Bhuí. Tá amhrán amháin uaidh sa chnuasach seo, Fiach na Claise Muaire (feic eagrán a 10 de An Linn Bhuí, lch. 7). Fuair sé bás Deireadh Fómhair na bliana 1999.
