Mac le Michéal Ó Cionnfhaolaidh (an t-údar cáiliúil a bhreac scéal a bheatha ó bhéalaithris Mhichíl Turraoin nó Maidhc Dháith agus ar chuireadh i gcló fén teideal Beatha Mhichíl Turraoin é sa bhliain 1956) ba ea Domhnall Ó Cionnfhaolaidh. Chaith Domhnall formhór a shaoil ina mhúinteoir ag Coiste Ghairmoideachais Chontae Phort Láirge. Bhí aithne go fórleathan air mar amhránaí, aisteoir agus léiritheoir drámaí. Tá mórchuid alt foilsithe aige sa Linn Bhuí ó chéad chuireadh i gcló é sa bhliain 1997. D’éag sé sa bhliain 2006.
