Rugadh agus thógadh Eibhlís Tóibín Bean de Paor i mBaile Uí Raghallaigh sa Rinn ua gCuanach. Phós sí go dtí an Sean Phobal sa bhliain 1954 nuair a phós sí Muiris de Paor ó Bharr na Stuac agus is ann atá cónaí inniu uirthi. Bhí ceathrar clainne orthu, beirt mhac agus beirt iníonacha – Muiris, Máire, Seamus agus Maighréad. Tá cáil ar Eibhlís fud fad na tíre as feabhas a cuid amhránaíochta. Deir sí gur dh’fhoghlaim sí a cuid amhrán óna hathair, Seamus, agus ón oide scoile a bhí aici, Pilib Ó Foghludha. Deartháir léi ba ea an t-amhránaí mórchlúiteach Nioclás Tóibín a bhain ana-cháil amach i gcomórtaísí an Oireachtais sna 1960í.
